كباب الحله على طريقتى بس تحفه

المقادير:
كيلو لحمه
بصله متوسطه
زيت او سمنه زى ماتحبى انا عن نفسى بطبخ بزيت
ملح وفلفل وبهارات لحمه
الطريقه:
نشوح اللحمه فى الزيت على نار عاليه عشان ماتنزلش ميتها ولما لونها يتغير نشيلها من على النار
نقطع البصل ونحطه فى نفس الحله اللى حمرنا فيها اللحمه ولما يتحمر نحط اللحمه عليه ونحط الفلفل وبهارات اللحمه لكن الملح فى الاخر عشان بياخر سوا اللحمه نوطى النار ونسيبها تستوى ولو احتاجت ميه نزودها ميه سخنه وبعد ما تستوى هاتى حته فحمه وسخنيها على النار لحد مالونه يحمر وهاتى قشره بصله وحطى فيها شويه زيت صغيرين وحطيها فى نص الحله وحطى فيها الفحمه السخنه وغطى الحله بسرعه وسبيبها شويه وبعد كدة كلى احلى كباب حله طعمه زى المشوى على الفحم بالظبط
وبالهنا والشفا

Elbasha كتب:

شكلك طباخه تحفه وانا بدأت اجوووع

مرسيه على زوقك انت هتجوع من دلوقتى انت لسه شوفت حاجه